ҚҰРЛЫҚТАР АРАСЫНДАҒЫ КӨПІР: KITF 2024 ТУРИЗМ МЕН САЯХАТТЫ ДАМЫТУДЫҢ ЖАҺАНДЫҚ ПЛАТФОРМАСЫ РЕТІНДЕ
2024 ЖЫЛДЫҢ 24-26 СӘУІР АРАЛЫҒЫНДА «АТАКЕНТ» ҚІЫО КӨРМЕ ПАВИЛЬОНДАРЫНДА (АЛМАТЫ) ҚАЗАҚСТАНДЫҚ ХАЛЫҚАРАЛЫҚ «ТУРИЗМ ЖӘНЕ САЯХАТ» KITF 2024 КӨРМЕСІ ӨТЕДІ
KITF – 2001 жылдан бері өткізіліп келе жатқан және жыл сайын көрсеткіштердің тұрақты өсуін көрсететін Орталық Азиядағы туристік саланың ең күтілетін жыл сайынғы іс-шарасы. Биылғы қатысушылар арасында әлемнің 28 елінен 406 компания бар. Алаңда саланың бүгінгі күнінің әлеуеті, кіру, ішкі және халықаралық бағыттардың жай-күйі көрсетіледі. Өз ұсыныстарын Қазақстан өңірлерінің туристік дестинациялары да, шетелдік қатысушылар да ұсынады. Көрмеге келушілерді бизнес үшін кең мүмкіндіктермен және ұлттық ерекшелігімен Әзірбайжан, Беларусь, Вьетнам, Грузия, Греция, Египет, Италия, Үндістан, Қазақстан, Катар, Қытай, Қырғызстан, Куба, Малайзия, Мальдив, БАӘ, Ресей, Румыния, Словения, Таиланд, Түркия, Өзбекстан, Хорватия, Черногория, Чехия, Шри-Ланка, Оңтүстік Корея, Жапониядан қатысушылар таныстырады. 16 ел ұлттық стендтер арқылы өздерін таныстырады. Алғаш рет KITF алаңында жаңа бағыттар болады, атап өтсек: Камчатка өлкесі, Алтай Республикасы (РФ), Румыния, Фукуок (Вьетнам).
Көрменің барлық үш күнінде динамикалық «марафон» форматында өтетін қызықты және барынша мазмұнға толы іскерлік бағдарлама күтілуде. Оның тақырыбы «TREND ZONE: тартылыс нүктелері» болады. KITF 2024 іскерлік бағдарламасының негізгі блогы «Алға, Қазақстан!: туризмді дамытуға арналған құралдар. Халықаралық туризм тәжірибесіндегі сәтті кейстер» Пленарлық сессиясы, онда спикерлер қатысушы елдердің сәтті тәжірибесін, ықтимал бірлескен трансшекаралық жобаларды, туризмді қолдау жөніндегі мемлекеттік бағдарламаларды талқылайды және Қазақстанды тревел дестинация ретінде ілгерілету үшін құралдармен бөліседі. Жыл сайынғы KITF Travel Forum оқыту платформасы саладағы маңызды мәселелер мен трендтерге назар аударады. Қонақтарды 55 спикер қатысатын өзекті тақырыптар бойынша 17 сағаттық қарқынды пікірталас күтеді. KITF Travel Forum құрамына мыналар кіреді: диалог алаңдары, панельдік сессиялар, компания презентациялары, сараптамалық семинарлар, пленарлық сессиялар, нетворкинг сессиясы, серіктестік кездесу.
KITF жыл сайын туристік агенттіктер, қонақ үй желілері, авиакомпаниялар және мемлекеттік органдар арасында байланыс және серіктестік орнатуға мүмкіндік беретін халықаралық ынтымақтастықты дамыта отырып, туризмдегі тәжірибе, білім және соңғы тенденциялармен алмасу үшін бірегей кәсіби алаң ретінде ұсынылады. Жыл сайын дәл осы жерде жаңа бағыттар мен туристік өнімдер таныстырылып, сондай-ақ саланың инновациялары мен озық тәжірибелері талқыланады. Сонымен қатар, KITF туристік бағыттардың қызығушылығы мен тартымдылығын арттыруға ықпал ететін әртүрлі елдердің ұлттық дәмі мен дәстүрлерін көрсету арқылы мәдени алмасуға ықпал етеді. Мәдениеттер мен континенттер арасындағы көпірге айналған бұл іс-шара туризмнің халықаралық байланыстарды нығайту және экономиканы дамыту құралы ретіндегі маңыздылығын көрсетеді.
KITF 2024 ресми серіктесі – KOMPAS туроператоры. Көрменің іскерлік бағдарламасының серіктестері – PEGAS Touristik, Trend Buro.
Іс-шараға ҚР Туризм және мәдениет Министрлігі, Алматы қаласының әкімдігі, «Kazakh Tourism» Ұлттық компаниясы» АҚ, «Қазақстан туристік қауымдастығы» ЗТБ, «Атамекен» Ұлттық кәсіпкерлер палатасы, «Туристік Қамқор» корпоративтік қоры ресми қолдау көрсетті.
Көрменің ұйымдастырушысы Қазақстандық Iteca көрме компаниясы және оның халықаралық серіктесі – ICA Events компаниялар тобы.
ITECA.EVENTS қосымшасы немесе www.kitf.kz іс-шара сайты арқылы цифрлық форматтағы ең өзекті ақпаратқа (қатысушылар тізімі, іскерлік бағдарлама кестесі, жеке кездесулер кестесі, павильон жоспары және т.б.) қол жеткізуге болады
