Біз Қазақстандағы KITF көрмесіне алғаш рет қатысып отырмыз. Осы көрмеде  Румынияның болуы қазақстандық туристер нарығына шығу үшін өте маңызды және стратегиялық қадам деп санаймыз, өйткені бізде Қазақстан мемлекетінің Румынияға салған ірі инвестициялары бар. Румынияда көптеген қазақтар жұмыс істейді, көбінесе қазақ отбасылары Румыниядағы қазақстандық экспаттарға барады және олар біздің жерлеріміздің барлық сұлулығын тамашалайды. Сондықтан Алматыда - Қазақстанның туристік орталығында болуымыз өте маңызды деп санаймыз. Біз қазақстандық туроператорлармен, сондай-ақ кейбір басқа елдермен көптеген келісімшарттарға қол қойдық. Мен қазақстандық туристерді Румынияға әкелуге, біздің көрікті жерлерімізбен танысуға мүдделі көптеген компанияларды таптым. Бізге қазақстандық туристік агенттіктермен байланыс ұнағаны соншалық, бізде көптеген келісімшарттар бар, қазір біз Румыния мен Қазақстан арасында тікелей әуе қатынасын енгізуге тырысудамыз. Кеше мен қазақстандық авиакомпаниялардың бірі - Scat Airlines-пен өте маңызды кездесу өткіздім, компания келесі айда Румынияға рейстер ашады. Румыния стендінде бізбен бірге тұрған барлық экспоненттер Қазақстанға оралып келуге және келесі жылы  туризм саласында болуға мүдделі. Біз 2025 жылы көрмеге қатысу туралы келісімге қол қойып, стендке тапсырыс бердік және оның орналасқан жерін таңдадық, өйткені біз үшін басқа елдермен байланыс өте қызықты. Бізге осы KITF көрмесінде болып жатқан шаралар өте ұнайды.

KITF көрмесіне қатысу бізді қатты таң қалдырды. Біздің Камчатка аймағымыз бірінші рет осы көрмеде стенд арқылы таныстырылды. Біздің әкімшіліктің арқасында көрмеге келіп, оның айналасындағы қызығушылыққа таң қалдық. Келушілер саны өте көп, біз көрмеге деген осыншалықты қызығушылықты күткен жоқпыз. Адамдар саны әлдеқайда аз болады деп ойладық. Әзірге көрменің нәтижелері туралы айту өте қиын, өйткені нақты ынтымақтастық кейінірек болады, бірақ келіссөздер өте көп болды. Стендке көптеген адамдар келіп, Камчаткаға қызығушылық танытты және оған қалай жетуге болатынын сұрады. Камчаткаға шынымен қызығушылық танытатын туризм индустриясымен айналысатын кәсіби келушілер көп болды, сондықтан біз бұл көрмеден көптеген пікірлер мен  нәтиже күтеміз. Біз келесі жолы қуана қатысамыз және оптимистік көзқарастамыз.

Мен бұл Алматыдағы көрмеге бірінші рет келдім, әсерлерім жақсы. Көрме керемет ұйымдастырылған – кәсіби және сауатты. Көрменің ең жағымды сәтін ерекше атап өткім келеді – ол жұмыстың алғашқы екі күнінде тек сала мамандары келушілер ретінде кіргізіледі. Бұл іс-шарада біз әңгімелесеміз, адамдармен кездесеміз және Куба бағыты бойынша жұмыс істейтін агенттіктерден өте үлкен қызығушылық болды. Біз бұл көрмеге қатысуға шешім қабылдағанымызға өте қуаныштымыз. Сондай-ақ, келесі жылы Алматыдағы KITF-ке қатысуды жоспарлап отырмыз, өйткені қазақстандық нарықта Кубаның туристік бағытын дамытудың үлкен перспективаларын көріп отырмыз.

Көрме керемет өтіп жатыр, осы жылы мен көптеген жаңа агенттерді, осы алаңда көптеген қызығушылық танытқан адамдарды көріп отырмын. Екі күн ішінде біз көптеген агенттермен таныстық, олармен кейіннен келісімшарт жасасамыз. Бірінші күннен бастап көптеген адамдармен серіктестік құрдық, бүгін бізде шамамен 10-15 агентпен шарттарға қол қойылды. Келесі жылы біз осы көрмеге баруды жоспарлап отырмыз, туроператор ретінде қатысамыз.

Біз биылғы жылы осы көрмеге қатысқанымызға өте қуаныштымыз. Алған әсеріміз өте керемет. Өткен жылмен салыстырғанда, биылғы жылы келушілердің ағыны көп екенін байқадық. Көрме өте әдемі және өте тиімді, біздің стендте келушілер саны көп. Кеше біз шет елдерден, көрші елдерден келген қонақтармен сөйлестік, өте жақсы келіссөздер жүргіздік. Бүгін, кеше сөйлесуге үлгермегендермен кездесулер болды және бізге бірнеше әлеуетті клиенттер келді. Біздің «Medicana» клиникалар желісі Түркияда орналасқан, кеше және бүгін бізге болашақ пациенттер келеді. Бізге үлкен стенд алғанымыз ұнады, келесі жылы біз одан да көп аумақты аламыз деп ойлаймын. Шақырғандарыңыз үшін рахмет, келесі жылы біз сіздермен қайта жемісті жұмыс жасаймыз деп ойлаймын.

Біз биылғы KITF көрмесіне қатысқанымызға өте қуаныштымыз. Біз қатыспаған, бірақ қонақ болған өткен жылмен салыстырғанда көрменің деңгейі айтарлықтай өсті. 2024 жылы іс-шараның деңгейі осылай өскеніне таң қалдық. Биыл біз көрменің толыққанды қатысушыларымыз және біздің әсеріміз өте жағымды. Бірінші күн біздің компания үшін нәтижелі болды, байланыс алмасып, біз көптеген кері байланыс алдық және көптеген клиенттер біздің қызметтерімізге қызығушылық танытты, біз әлеуетті клиенттерді табамыз деп үміттенеміз. Өзіміз туралы жақсы әсер қалдырдық. Көрмеге келушілермен және клиенттермен жемісті ынтымақтастық болады деп ойлаймыз. Осы көрменің қорытындысы бойынша біз компаниямызға қажетті талдау жүргіземіз, қорытындылаймыз және келесі жылы қатысуды шешеміз. Егер біздің өнім инновациялық болып қалса, адамдарға көрсететін және айтатын нәрсе болса, біз келесі жылы міндетті түрде кездесеміз.

Бізге көрме өте ұнайды. Көрмеге бірінші рет қатысып отырмыз. Біз Шығыс Қазақстан облысы, Катонқарағай ауданының атынан қатыстық. Бізде марал шаруашылығы бар және ішкі туризммен белсенді айналысамыз. Біз көптеген туристік агенттермен байланыс орнаттық және осы жерде ынтымақтастық туралы келісімшарттар жасадық. Келесі жылы біз өз санаторийімізді көрмеде қайта таныстырамыз.

Біз бұл көрмеге алғаш рет қатысып отырмыз және өнімдерімізге үлкен сұранысты байқадық. Мен бұл көрмеде бұрын Арктика, Антарктида және полярлық аймақтар болмағанын білемін. Біз көрмеге қатысқанымызға өте қуаныштымыз, өйткені біздің стендімізге Солтүстік полюске, Арктикаға және Антарктидаға барғысы келетін көптеген адамдар қызығушылық танытқанын байқаймыз және бұл оларды шабыттандыратындығын көргенімізге өте қуаныштымыз. Біз мұнда ешқандай келісімшартқа отырған жоқпыз, бірақ бізде өте жақсы сұраныстар бар, сондықтан іс-шарадан кейін бізде қандай да бір конверсия болады деп үміттенеміз. Нәтижені көру үшін әдетте шамамен бір ай қажет. Бізде шынымен де көптеген жақсы және мейірімді клиенттер мен сұраныстар бар, оның ішінде: топтық сұраныстар, корпоративтік сұраныстар және жеке сұраныстар. Менің ойымша, бұл жерде біз үшін үлкен мүмкіндіктер бар және біз келесі жылы осы көрмеге қатысуды қарастырамыз.

KITF 2023 көрмесі ерекше, мен оның соншалықты жағымды болатынын күтпеген едім. Бірінші күн керемет өтті, біздің стендке көптеген адамдар келді, Иорданияға қызығушылық танытты, біздің ұсыныстарымыз туралы ақпарат алды. Бұл өте қызықты және нәтижелі болды. Бүгін келушілер кешегіге қарағанда сәл аз болуы мүмкін, бірақ адамдардың көз алдында туризмге деген қызығушылық бар екенін байқадым. Біз өте қуаныштымыз және келесі жылы қатысуды жоспарлап отырмыз, өйткені осындай бірегей ел – Қазақстанға келу өте пайдалы болды. Мұнда шетелге, әсіресе Иорданияға саяхаттағысы келетіндердің саны өте көп. Маркетинг - бизнесті дамыту үшін өте маңызды. Мұндай алаңдарға басқа елдердің, басқа мәдениет өкілдерінің қатысуы маңызды деп есептеймін, өйткені көрмелердің арқасында өзін көрсетуге, өзін және елі туралы айтуға мүмкіндік туады. Жаңа елдерді ашу - әрқашан жақсы. Менің ойымша, Қазақстан өте әлеуетті қызықты ел және мұнда адамдар жаңа нәрселерді - жаңа елдерді, жаңа тәжірибелерді үйренгісі келеді, адамдар жаңа эксперименттерді қалайды. Сондықтан, өзіңіз туралы, әсіресе Қазақстан халқына өзің туралы айтып беру үшін осындай көрмелерге қатысу маңызды. KITF 2024 көрмесінде кездескенше!

KITF көрмесі жақсы әсер қалдырады. Біріншіден, қатысушылардың жеткілікті саны, екіншіден, біздің барлық туроператорлар кездесулер туралы оң пікірлерін айтады, Италияға деген үлкен қызығушылық танытуда, барлығы риза. Тек үзіліс жасауға бірде-бір бос минут жоқ, кездесулер мен келіссөздер үнемі жүріп жатыр, сондықтан көрменің тамаша екенін айтқым келеді. Павильонның кіре берісінен бастап стендтегі жұмысқа дейін ұйымдастыру ең жоғары деңгейде. Барлығы өте жоғары деңгейде, төсбелгілер бәріне беріледі, жағымсыз сәттер жоқ. Сондықтан ұйымдастырушыларға ризашылығымды білдіремін. Келесі жылы да қатысуды жоспарлап отырмыз. Біздің стенд көлемі жағынан да, қатысушылар саны жағынан да ұлғаяды деп сенеміз. Біз стенд кем дегенде 2 есе үлкен болады деп жоспарлап отырмыз. Біз өзіміздің қатысуымыз туралы пост шығарғымыз келеді және онда ең оң пікірлермен көрменің қалай өткені туралы хабарлайимыз.

KITF 2023 көрмесіне қатысудан алған әсеріміз көп, біздің компания мұндай іс-шараларға бірінші рет қатысып отыр. Біз 2009 жылдан бері жұмыс істейміз, бірақ бұл туризмдегі бірінші жылымыз, сондықтан бұл біздің бірінші көрмеміз. Көрме өте әдемі және әсем ұйымдастырылған, ұйымдастырушыларға және қатысқандардың барлығына үлкен рахмет. Маған бәрі өте ұнады! Біздің бағытқа келушілердің, әсіресе бірінші күні үлкен қызығушылық танытты. Интернет арқылы хабарласып, бұрын келісімшартқа отырған, сайтта тікелей танысқан клиенттеріміз бар. Біз келесі жылы қатысуды ойлап жатырмыз, тиісті құжаттарға қол қойдық, алдағы уақытта көрмеге қою үшін үлкен стендті пайдаланып, өзімізді кеңірек таныстыруды жоспарлап отырмыз.

Біз KITF 2023 көрмесіне бірінші рет қатысып отырмыз. Шынымды айтсам, көрмеге қатысуға дайындалған кезде біз не дайындап, нені жоспарлайтынымызды білмедік. Біз жеке сектор өкілдеріне бізбен бірге көрмеге және көрмеге қосалқы экспоненттер ретінде келу мүмкіндігі туралы хабарладық. Біз олардың қаншасы қызығушылық танытатынын білмедік, аз болады деп қорықтық, 20 қатысушы мәлімдеме жасады, нәтижесінде бізге өтініштер әлдеқайда көп түсті. Біз дайын компаниялар арасында шағын күту тізімін жариялауға мәжбүр болдық. Мальдив аралдарының Ұлттық стенді аясында бізбен бірге барлығы 24 компания келді, яғни біз жоспарлағаннан да көп. Өйткені қазақстандық нарыққа қызығушылық өте үлкен. ТМД елдері арасында келушілердің жалпы статистикасы бойынша Қазақстан ресейлік туристерден кейін екінші орында тұр. Бірінші күні келушілер арасында үлкен сұраныс болды, біздің шамамыз әрең жетті, келіссөздер көп болды. Бүгін белсенділік сәл аздау, бірақ Қазақстанның түрлі облыстары мен қалаларынан келіп, қызығушылық танытып отырған әріптестермен байсалды режимде келіссөздер жүргізуге, кәсіби тақырыптарда пікір алмасуға мүмкіндік мол. Көптеген адамдар Мальдивтерге тек қыста бару керек деген пікірге қарамастан, Мальдив аралдары жыл бойы демалыс орны деп санаймыз. Енді біз жұмыс істеп жатқан басты міндеттеріміздің бірі – көрермендерді Мальдив аралдарына жыл бойы баруға болатындығына сендіру, жылдың әр айларында, әр маусымда не істеуге болатынын түсіндіру. Бұл биылғы жылды алға жылжытудың негізгі тұжырымдамасы. Қалғаны: барлық коммерциялық ақпарат, арнайы ұсыныстар – біздің көрме қатысушыларының қолында. Біз олармен сұхбаттасамыз, олар анкета толтырады, өз пікірлерін ауызша айтады. Екінші күні келушілер ағыны толастамай келеді, олардың көңілінен шыққанын көріп отырмын. Бұл коммерциялық компаниялар болғандықтан сатуы керек, сайып келгенде белгілі бір туристерді қабылдауы керек. Көрмеде ұсынылған басқа да тамаша трендтердің қатарында біз де сенімді және лайықты көрінеміз деп үміттенеміз. Көрмеге қатысу қорытындысы бойынша біз биылғы жылдың, жазғы маусымның алдағы нәтижелерін күтеміз. Бұл біз үшін шешуші сәт, өйткені жазда туристер ағыны төмендейді. KITF 2023 нәтижелері алдағы 5-6 айда біз көретін белгілі бір қиындықты жеңуге көмектеседі деп ойлаймын. Көрмеге қатысушыларымыздың пікірін жинақтайық. Болашақта бұл көрмеге қатыспауға еш себеп көріп тұрған жоқпын. Жеке секторларымыз тарапынан үлкен сұранысты ескере отырып, біз барлық мүдделі компанияларды орналастыру үшін стендті кеңейтетін боламыз. Алматыдан алған әсерім ғажап, өте мейірімді, ақ пейілді, әдемі адамдар. Қазақстандағы туризмге келетін болсақ, елде ішкі туризм бойынша жұмыс жүргізіліп жатқанын көріп отырмын, бұл өте жігерлендіреді, өйткені Қазақстан өз алдына тамаша бағыт.

Біз «Алматы облысының туристік ақпарат орталығы» ретінде алғаш рет қатысып отырмыз. Бұған дейін басқа құрамда қатысқанбыз. Біз осында қатысқанымызға өте қуаныштымыз. Менің білуімше, биыл 22 мемлекет қатысуда. Біз тәжірибе алмасуға, жаңа ақпарат алуға, компаниялармен серіктестік орнатуға өте қуаныштымыз. Келушілер біздің стендімізге және туристік өнімдерімізге қызығушылық танытты. Мұнда ынтымақтасқысы келетін, біздің веб-сайт пен Instagram-да көрмеге шығып, ішкі туризмді дамытқысы келетін жергілікті компаниялар бар. Шетелдік қонақтар да, жергілікті қонақтар да қызығушылық танытты. Көрмеге қатысып жатқан Хорватиядан келген әріптестермен әңгімелесіп, тәжірибе алмасу бізге ұнады. Қазір біз агротуризмнің жаңа өнімдерін жасауға тырысамыз, өнім олар үшін қызықты болды. Ашық диалог үшін мұндай шаралардың маңызы зор деп есептеймін. Біз әңгімелесеміз, тәжірибе алмасамыз, жаңа ақпарат аламыз. Сондай-ақ көрменің іскерлік бағдарламасы аясында өткізілетін бизнес-сессиялар маңызды рөл атқарады, өйткені біз спикер ретінде де қатыса аламыз және қызықты тақырыптар бойынша сұрақтар қоя аламыз. Бұл саланы дамыту үшін үлкен маңызға ие. Осындай орындар көп болса екен деймін.

Біз KITF 2023 көрмесіне алғаш рет қатысып отырмыз. Біз үшін бұл өте сәтті тәжірибе, өйткені платформада көптеген серіктестер, туристік агенттер де, туроператорлар да бар. Біз өз тарапымыздан туроператорларды, турагенттерді және тұтынушыларды қызықтыратын өнімімізді ұсынамыз. Әрбір қазақстандыққа шетелге демалу мүмкіндігін арттыруға мүмкіндік беретін «win – win»өнімін ұсынамыз.

Көрме жоғары деңгейде ұйымдастырылған, қатысқаныма тәнті болдым, мұндай әсер күтпеген едім. Туроператорлар біздің өнімге қызығушылық танытты. Ұсынылған қатысушылардың кейбірі бүгінде бізбен жұмыс істеп жатыр. Жаңа компаниялар үшін біздің өнім өте қызықты болды. Болашақта Қазақстанның 100% туристік агенттіктерімен серіктестік орнатамыз деп ойлаймын. 2024 жылы да қатысуды жоспарлап отырмыз.

Биылғы жылы бізге KITF көрмесі қатты ұнады. Келушілердің көпшілігінің Шығыс Қазақстанға барғысы келетіні өткен жылдармен салыстырғанда, бұл бізді таң қалдырды. Шығыс Қазақстан облысының жалпы өңірлік стендінде туризм саласының 10-нан астам өкілдері, демалыс орындарының иелері ұсынылған. Үлестірмелі материалдарды бір күнде тараттық, нәтижесінде түнде баспаханадан жаңа кітапшаларды басып шығаруға тура келді. Біз мұндай белсенділік пен қызығушылықты күтпеген едік, барлығы өте риза! Бұл көрмеге үшінші рет қатысып отырмын, жыл сайын көрмені жоспарлап отырмын. Мұндай орындарға қатысу қонақтарды біздің компаниямен таныстыруға ғана емес, әріптестермен тіл табысуға, жаңа нәрсені үйренуге және шетелдік достармен кездесуге мүмкіндік береді деп ойлаймын. KITF көрме алаңы осы қажеттіліктердің барлығын қамтиды.

Биыл біз Алматыдағы KITF 2023 көрмесіне алғаш рет қатысып отырмыз. Маған бәрі ұнады, бұл санаторийлердің, қонақүйлердің, туристік фирмалардың басқа өкілдерімен тамаша тәжірибе алмасу. Өте жақсы тәжірибе, қатысқанымызға қуаныштымыз. Келесі жылы қатысуды ойлап жатырмыз. Келушілер тарапынан қызығушылық болды, біз келісім-шарт жасасуды жоспарлап отырмыз, көптеген өтініштер мен сұрақтар түсті. Келесі аптадан бастап біз барлық қабылданған өтініштерді өңдейміз.

KITF көрмесі аясында біз үшінші рет саяхатшылар форумын ұйымдастырудамыз - бұл саяхатшылардың бейресми бірлестігі, онда біз саяхаттан түрлі оқиғаларды баяндаймыз, саяхатшыларды біріктіру және саяхатты танымал ету мақсатында адамдарды шабыттандырамыз. Пандемияға байланысты біздің сапарларымыз шектеулі болды, бірақ қазір шекаралар ашылып жатыр және біз осы ерекше алаңда өз тарихымызды аудиториямен бөлісуді жалғастыра алатынымызға қуаныштымыз. Мен KITF сайтына жиналуға мүмкіндік бергені үшін өте ризамын. Карантин кезеңінде біздің көптеген тыңдаушылар келесі Фестті күтіп, өткізілетін күнге қызығушылық танытты, бұл біздің іс-шараға деген қызығушылықтың үнемі өсіп келе жатқанын көрсетеді. Бұл керемет шуақты күнде біз қайтадан жанды форматта кездесіп, саяхат туралы эмоцияларымызбен бөлісе алдық. Ең дұрысы, фестиваль форматын павильоннан көше алаңына – күн төсеніштерімен, таза ауада және көптеген шақырылған спикерлермен қайта форматтау. Сондықтан келесі жылы кездесуге дейін!

Бізде KITF 2022 көрмесіне қатысудың керемет әсерлері бар. Біз мұндай әсерді және бізге үлкен қызығушылық танытқан және болашақта бірлесіп жұмыс істегісі келген келушілердің ағынын күткен жоқпыз. Көрме алаңында бірден келісім-шарт жасасқысы келетін компаниялар да болды. Біз Әзірбайжандағы демалысты ұсынамыз: турлар, бизнес-отельдер және қазіргі кезде біздің бағыт өте танымал. Біз үшін 2022 жылы қатысу өте қызықты болды, біз көрмеге қатысуға алдын ала дайындалдық, жарты жылға жуық дайындық жүріп жатты және біз барынша тиімді нәтижелерге қол жеткіземіз деп үміттенеміз.

Біз үшін KITF көрмесіне қатысу өте маңызды, себебі Қазақстан біздің мақсатты ел болып табылады. Жыл сайын біз Қазақстан үшін ақпараттық және баспасөз турларын ұйымдастырамыз, Грузияға журналистер, туроператорлар келіп, біздің мәдениетіміз бен көрікті жерлерімізбен танысады. Қазақстаннан туристер ағыны жылдан жылға артып келеді, авиажелілер тұрақты ұшулар жасайды және біз үшін бұл алаңда болу маңызды. Біз міндетті түрде келесі жылы келеміз, Қазақстанмен серіктестік қарым-қатынас орнатып, елдеріміздегі туризмді дамыту үшін барлығын жасауымыз керек!

KITF дегеніміз не? Мен үшін - бұл клиенттік базаны кеңейту, мүмкіндіктер мен даму. Әрине, бұл жаңа клиенттерді тарту және іздеу бойынша үлкен мүмкіндіктер. Сондай-ақ, өз бәсекелестеріңді байқаудың, оң тәжірибе алудың және Қазақстанның түкпір-түкпірінен ғана емес, бүкіл әлемнен келген бұрынғы серіктестермен кездесудің тамаша тәсілі. Бұл турагенттіктер, туроператорлар, авиатасымалдаушылар және отельерлер. Бұл жерде болу өте керемет, өйткені пандемия бізден екі жылымызды алып шегеріп тастадыі, сондықтан уақытты жоғалтпауымыз керек. Алаңда алғаш рет өнер көрсететіндерге кеңес бергіміз келеді, мазмұнды анимациялық бөлім жасау, ақпараттық ағынды тартымды іс-шаралармен әртараптандыру қажет! Көрмеге қатысу үшін оны өткізгенге дейін көп уақыт дайындалу қажет, сонда ғана содан кейін нәтижелер жоғары болады! KITF көрмесінің келесі жылы одан да үлкен, қызықты және жарқын болуын тілеймін!

KITF көрме алаңы халықаралық әріптестікті дамыту үшін өте пайдалы. Біз пандемияға қарамастан, саланың өсуі жүріп жатқанын және бірыңғай туристік өнім ретінде Орталық Азия өңіріне деген қызығушылық жылдан жылға артып келе жатқанын көріп отырмыз. KITF бұл өсіп келе жатқан қызығушылықтың катализаторы болып табылады.