АЛМАТЫ ҚАЛАСЫНДА ӘЛЕМДІК ТУРИСТІК ӘЛЕУЕТТІ БІЛДІРЕТІН ТАБЫСТЫ ІС-ШАРА - ТУРИЗМІНІҢ АУҚЫМДЫ КӨРМЕСІ KITF 2023 ӨТТІ
19-21 СӘУІР АРАЛЫҒЫНДА «АТАКЕНТ» ҚІЫО-НЫҢ ЕКІ ПАВИЛЬОНЫНДА 21-ШІ ҚАЗАҚСТАНДЫҚ «ТУРИЗМ ЖӘНЕ САЯХАТ» ХАЛЫҚАРАЛЫҚ КӨРМЕСІ - KITF 2023 КЕҢ КӨЛЕМДЕ ӨТТІ.
Көрме үлкен ауқымда өтті және жоғары табыс көрсеткіштеріне қол жеткізді, экспоненттер экспо-алаңды ұйымдастырудың жоғары деңгейін және сапалы желіні атап өтті. Үш күннің ішінде экспозицияға 4 121 бірегей келушілер келді, ал іскерлік бағдарламаның контентіне 74 спикердің қатысуымен 19 сессия кірді. Экспозицияға Әзірбайжан, Вьетнам, Грузия, Греция, Египет, Иордания, Италия, Үндістан, Қазақстан, Қытай, Қырғызстан, Малайзия, Мальдив аралдары, БАӘ, Ресей, Словения, Тайланд, Түркия, Хорватия, Черногория, Оңтүстік Корея, Жапония сияқты 22 елден 258 компания қатысты. Ұлттық стендтермен Әзербайжан, Вьетнам, Грузия, Иордания, Италия, Қазақстан, Қырғызстан, Малайзия, Мальдив аралдары, Ресей Федерациясының Новгород облысы, Словения, Хорватия және Оңтүстік Кореяның Кенгидо провинциясы ұсынылды.
KITF көрмесі алғаш рет 2001 жылы өткізілді және іс-шараның басты мақсаты - Қазақстандағы туризм индустриясына және экономиканың осы секторының даму перспективаларына назар аудару болды. Жобаны өткізудің 21 жылында KITF өз дамуының әсерлі серпінін көрсетеді, қазіргі уақытта экспоненттердің жалпы санының 74%-ы халықаралық қатысушылар болып табылады, бұл Қазақстанның туристік нарығына қызығушылығын, халықаралық инвестицияларды тарту және ішкі өнімдерді танымал ету үшін еліміздің тартымдылығын көрсетеді.
KITF 2023 ивент-директоры Виктория Павленконың айтуынша, бүгінде Қазақстанның туристік әлеуеті өзіне көбірек көңіл бөлу өтырып, өзінің даму шыңында тұр. «Әлеуеттің көп қыры соншалық, Қазақстанның туристік секторының мызғымастығы туралы айтуға болады, - дейді Виктория Павленко. — Біздің ішкі, сыртқы туризмнің болашағы зор екенін көріп отырмын. Көптеген шетелдік туроператорлар қазақстандық турөнімді өз портфолиосына қосуды міндетті шарт деп санайтынын білемін, ал өнімнің өзі бәсекеге қабілетті деп қабылданады. KITF 2023 көрмесінде біз халықаралық туристік қоғамдастықтың қызығушылығын арттыра отырып, ішкі туризмді таныстырамыз. KITF көрмесі туристік нарықтың жаңа өнімдері мен сала ойыншыларын таныстыруға арналған демонстрациялық алаң ғана емес, сонымен қатар жыл сайынғы KITF-те дәстүрге айналған белсенді келіссөздер, нетворкинг және кәсіби тәжірибе алмасу форматындағы саланың өзекті мәселелері талқыланатын оқыту платформасы болып табылады».
Биылғы жылы үш күндік іскерлік бағдарламаға келушілер тарапынан үлкен қызығушылық танытылды.
Басталуын «Туризмдегі жаңа әсерлердің уақыты» атты баспасөз конференциясын берді, оның мақсаты индустрияның өзекті мәселелерін талқылау және одан әрі даму векторларын анықтау болды. Мемлекеттік аппарат өкілдері аудиторияның сұрақтарына жауап беріп, болашақ жоспарларымен бөлісті.
«Kazakh Tourism» ҰК» АҚ Басқарма Төрағасы Талғат Аманбаев атап өтті: «Ұзақ жылдар ішінде алғаш рет елімізде туризм туралы жиі айта бастайды. Мемлекет басшысының соңғы үндеуін қарайтын болсақ, ол өз сөзінің бірінші абзацтарында туризмді мақсатты экономика, жұмыс орындары ретінде қарастырудың қаншалықты маңызды екенін атап өтті. Көрме өте тиімді құрал деп ойлаймын. Көрме нарықтың қалай дамып жатқанын, біздің турагенттер, туроператорлар немен айналысатынын, турбизнестің басқа да өкілдері немен айналысатынын көруге мүмкіндік береді. Халықаралық көрме - көршілеріміз бен серіктестеріміздің қалай дамып келе жатқанын көруге, олардың жетістіктерін көруге тағы да жақсы мүмкіндік».
Алматы қаласы Кәсіпкерлер палатасының төрағасы Әуез Тайымбетов Алматы экономикасы үшін туризм секторының маңыздылығын атап өтті: «Көрмені өткізудің басты мақсаты - туризм саласындағы озық тәжірибе мен біліммен алмасу деп есептейміз. Аталған көрме компаниялар мен ұйымдарға өз өнімдері мен қызметтерін ілгерілетуге, брендтің танымалдылығын арттыруға, тәжірибе алмасуға, кәсіби байланыстар орнатуға, саладағы жаңа үрдістер мен инновацияларды зерделеуге, жаңа клиенттерді тартуға және ынтымақтастық туралы шарттар жасасуға мүмкіндік береді. Көрмеде алынған нәтижелер барлық қатысушыларға және бірінші кезекте қала экономикасына пайдалы болады». Дәстүр бойынша көрменің құрметті қонақтары Қырғызстан, Малайзия, Тайланд, Түркия, Хорватия сияқты қатысушы елдердің Елшіліктері мен Бас Консулдықтарының өкілдері болды, олар экспозиция бойынша танысу турына қатысты.
Көрменің нағыз ерекшелігі қазақстандық стендтер тобының ерекше, жаңартылған дизайны болды. Алаңда Қазақстан облыстарының да, республикалық маңызы бар қалалардың да туристік әлеуеті таныстырылды.
Көрме жұмысының үш күні ішінде семинар аймағындағы белсенділіктің артуы ауқымды іскерлік бағдарламадан туындады. Travel Success Academy - KITF Travel Forum-мен бірлесіп ұйымдастырылған алғашқы күннің контентіне Пленарлық отырыс, қатысушы компаниялардың тұсаукесерлері, турагенттердің жұмысы бойынша public-talk, суда демалу бойынша сараптамалық кездесу, «Сапа белгісі» бағдарламасының тұсаукесері кірді. Пленарлық отырыс Қазақстандағы болашақ көшпелі туризмді талқылауға арналды. Спикерлер қатарында «Туристік Қамқор» қорының және KOMPAS, Selfie Travel, AnexTour Kazakhstan, FUN&SUN, TEZ TOUR ірі туроператорларының өкілдері болды. «Саяхат саласындағы үрдістер бойынша диалог алаңы» сессиясына отандық және шетелдік авиатасымалдаушылар, Алматы, Астана және Көкшетау әуежайларының өкілдері қатысты.
Ашық диалог аясында «Kazakh Tourism» ұлттық компаниясы елді ілгерілету жоспарлары, бизнеске арналған мемлекеттік қолдау шаралары, шетелдік туристерді қабылдау бойынша озық бағдарламалар туралы сұрақтарға жауап берді. Форум алаңында топ блогерлер саяхаттарды дұрыс монеталандырып, өз бизнестеріне айналдыру туралы айтып берді. Келушілерге Грузия мен Тайландта демалудың барлық артықшылықтары таныстырылды, спикерлер аталған бағыттардың тартымдылығы мен танымалдылығы туралы айтып берді.
Көрменің соңғы күніне Туризмнің экскурсиялық және белсенді түрлерінің жасампаздары мен сәулетшілерінің форумы, Алматы облысында өнеркәсіптік туризмді дамыту ерекшеліктерін таныстыру және туризмде біліктілікті арттыру бойынша семинар енгізілді.
KITF көрмесі көптеген келушілерді, соның ішінде туристік индустрияны, кәсіпкерлерді, саяхатшыларды, инвесторларды және жай саяхатшыларды тартты. Белсенді жарнамалық науқан мен кең медиа қамтудың арқасында KITF 2023 кең аудиторияның назарын аударды, бұл іс-шараның одан да сәтті өтуіне ықпал етті. KITF 2023 Қазақстан туризмінің даму деңгейі мен әлеуетін көрсете отырып, Орталық Азия өңірінің туристік индустриясындағы маңызды оқиға болды.
Естеріңізге сала кетейік, KITF көрмесін ұйымдастырушы Қазақстандық ITECA көрме компаниясы және оның халықаралық серіктесі - ICA Events компаниялар тобы болып табылады.
KITF 2023 көрмесінің ресми серіктесі - KOMPAS компаниясы. Көрменің іскерлік бағдарламасының серіктесі TRAVEL SUCCESS ACADEMY.
Іс-шараға ресми қолдауды ҚР Спорт және мәдениет Министрлігі, Алматы қаласының әкімдігі, «Kazakh Tourism» ұлттық компаниясы» АҚ, «Қазақстан туристік қауымдастығы» ЗТБ, «Атамекен» Ұлттық Кәсіпкерлер палатасы, «Туристік Қамқор» корпоративтік қоры көрсетті.
